भारत चाँडै नै चीनलाई उछिन्दै विश्वको सबैभन्दा बढी जनसङ्ख्या भएको देश बन्नेछ । यस वर्षको मध्यसम्ममा भारतको जनसङ्ख्या चीनको जनसङ्ख्याभन्दा ३० लाख बढी हुनेछ । संयुक्त राष्ट्र सङ्घको जनसङ्ख्या प्रतिवेदनमा यो कुरा बुधवार बाहिरिएको हो ।
समाचार एजेन्सी रोयटर्सका अनुसार संयुक्त राष्ट्र जनसङ्ख्या कोष (युएनएफपीए) ‘विश्व जनसङ्ख्या रिपोर्ट, २०२३ को स्थिति’ को डाटा अनुसार भारतको जनसङ्ख्या यस वर्ष १४२.८६ करोड हुनेछ । यस्तै चीनको जनसङ्ख्या १४२।५७ करोड हुनेछ । ३४ करोडको जनसङ्ख्याका साथ अमेरिका तेस्रो स्थानमा हुनेछ ।
प्रतिवेदनमा भनिएको छ कि यी अनुमानहरू फेब्रुअरी २०२३ सम्मको तथ्याङ्कमा आधारित छन् ।
संयुक्त राष्ट्रका अधिकारीहरूले भारत र चीनबाट आउने तथ्याङ्कको ‘अनिश्चितता’ का कारण निश्चित मिति दिन सम्भव छैन, विशेष गरी भारतको पछिल्लो जनगणना सन् २०११ मा भएको थियो र सन् २०२१ मा हुने भनिएको जनगणना महामारीका कारण अहिलेसम्म गर्न सकिएको छैन ।
