राष्ट्रिय प्रजातन्त्र पार्टी (राप्रपा) र राष्ट्रिय प्रजातन्त्र पार्टी नेपाल (राप्रपा नेपाल) एकता घोषणा भएको छ।
बुधबार राष्ट्रिय सभा गृहमा अयोजित एकता घोषणा कार्यक्रममा दुवै पार्टीका अध्यक्षहरू राजेन्द्र लिङदेन र कमल थापाले संयुक्त रूपमा एकता घोषणापत्र सार्वजनिक गरे।
यसअघि पुस ९ गते धुम्बाराहीस्थित राप्रपा केन्द्रीय कार्यालयमा दुवै नेताले एकता समझदारीपत्रमा हस्ताक्षर गरे। २०७८ सालको राप्रपा महाधिवेशनमा अध्यक्ष पदमा पराजित भएपछि कमल थापाले पार्टी छोडेर राप्रपा नेपाल गठन गरेका थिए। चार वर्षपछि भएको यो एकताले आगामी प्रतिनिधि सभा निर्वाचनअघि राजावादी मतहरू एकीकृत गर्ने अपेक्षा गरिएको छ।
सहमति अनुसार एकीकृत पार्टीको वैचारिक दर्शन राप्रपाको २०७८ सालको एकता महाधिवेशनबाट पारित ुसम्बर्धनवादु हुनेछ। पार्टीले देहायका सिद्धान्तहरूलाई मार्गदर्शनका रूपमा लिनेछ।
अध्यक्षस् एकीकृत पार्टीको केन्द्रीय अध्यक्ष राजेन्द्र लिङ्देन हुने छन्।
चुनाव चिन्ह र झण्डाः पार्टीको नाम ‘राष्ट्रिय प्रजातन्त्र पार्टी’, चुनाव चिन्ह ‘हलो’ र झण्डा साविककै कायम रहनेछ।
विधानः राप्रपाको एकता महाधिवेशनबाट पारित विधानलाई नै एकीकृत पार्टीको विधान मानिनेछ।
पद समायोजनः २०७८ को महाधिवेशनबाट निर्वाचित भई हाल राप्रपा नेपालमा रहेका सदस्यहरूलाई उनीहरूकै साविकको पदमा पुनस्र्थापित गरिनेछ। राप्रपा नेपालका अन्य पदाधिकारी र सदस्यहरूलाई सहमतिका आधारमा केन्द्रीय कार्यसमिति र भातृ संगठनहरूमा सम्मानजनक स्थान दिइने आधार पत्रमा उल्लेख छ।
जिल्ला, नगर, गाउँ र वडा तहका समितिहरूलाई पनि २०७८ को महाधिवेशनकै अवस्थालाई आधार मानेर सम्मानजनक ढंगले समायोजन गर्दै लैजाने सहमति भएको छ।
