काठमाडौ । काठमाडौं महानगरपालिकाका मेयर बालेन्द्र शाहले पूर्वप्रधानमन्त्री डा. बाबुराम भट्टराईलाई भेटेका छन् । मेयर बालेन्द्र शुक्रबार भट्टराई निवास पुगेर भेटवार्ता गरेका हुन्। भेटवार्तामा भट्टराईकी पत्नी हिसिला यमी, छोरी मानुषी यमी लगायत सहभागी थिए।
‘काठमाडौं महानगरपालिका मेयर बालेन शाह र टिमसँग महानगरपालिकाका समस्या र योजनाबद्ध विकासबारे सार्थक विमर्श’ सामाजिक सञ्जालमा तस्बिर सेयर गर्दै भट्टराईले भनेका छन्, ‘सफलताको हार्दिक शुभकामना’
भट्टराईले सामाजिक सञ्जालमा उल्लेख गरेकोजस्तै शहरी विकास र प्लानिङका विषयमा छलफल भएको मेयर बालेन्द्रका स्वकीय सचिव भूपदेव शाहले बताए।
छलफलका क्रममा ४० वर्ष पुरानो सहरी सिस्टमलाई कसरी नयाँ बनाउन सकिन्छ भन्ने विषयमा पनि छलफल भएको उनले बताए।

