अमेरिकाको केन्टकी सहरको एक बैंकमा गोली हानाहान हुदा एक बन्दुकधारी र कम्तीमा ५ जनाको मृत्यु भएको छ । ज्यान गुमाउनेमध्ये ४ जना बैंकका कर्मचारी रहेका छन् ।
प्रहरीका अनुसार एक प्रहरीसहित आठ जनालाई स्थानीय अस्पतालमा भर्ना गरिएको छ । सोमबार बिहान पुरानो नेशनल बैंकमा प्रहरी अधिकारीसँगको भिडन्तमा संदिग्धको मृत्यु भएको हो ।
उक्त व्यक्ति बैंकका पूर्व कर्मचारी हुन सक्ने प्रहरीले जनाएको छ । प्रहरीका अनुसार स्थानीय समय अनुसार बिहान साढे ८ बजे गोली चलेको जानकारी प्राप्त भएको थियो । करिब तीन मिनेटपछि प्रहरी त्यहाँ पुगेपछि प्रहरी र अभियुक्तबीच गोली हानाहान भएको थियो ।
यद्यपी आक्रमणकारीको मृत्यु प्रहरीको गोलीबाट भएको हो वा उनले आफैलाई गोली हानेको हो भन्ने पुष्टि हुन सकेको छैन ।
