वि.सं.२०८३ मंसिर ७ आइतवार
Shivam
Dish Home Long Ad
TaTa
नवनियुक्त भारतीय राजदूत सुधाकर दलेलद्वारा राष्ट्रपति पौडेलसमक्ष ओहोदाको प्रमाणपत्र पेस

 

काठमाडौं । कार्तिक २० गते शुक्रबार नेपालका लागि भारतका नवनियुक्त राजदूत श्री सुधाकर दलेलले राष्ट्रपति रामचन्द्र पौडेलसमक्ष आफ्नो ओहोदाको प्रमाणपत्र प्रस्तुत गर्नुभएको छ। आज राष्ट्रपति कार्यालय, शीतल निवासमा आयोजित औपचारिक समारोहमा उहाँले ओहोदाको प्रमाणपत्र पेस गर्नुभएको हो।

कूटनीतिक प्रचलनअनुसार ओहोदाको प्रमाणपत्र प्रस्तुत गर्नु कुनै पनि मुलुकका राजदूतले आफ्नो कार्यभार औपचारिक रूपमा प्रारम्भ गर्ने महत्त्वपूर्ण प्रक्रिया हो। यसले सम्बन्धित मुलुकको सरकारबाट प्राप्त प्रतिनिधित्वको आधिकारिक मान्यता र कूटनीतिक सम्बन्ध सञ्चालनको संस्थागत आधारलाई प्रतिबिम्बित गर्छ।

दलेल सन् १९९३ ब्याचका भारतीय विदेश सेवा (IFS) का अनुभवी कूटनीतिज्ञ हुनुहुन्छ। उहाँले यसअघि भारतको विदेश मन्त्रालयको उत्तरी विभागमा निर्देशक तथा संयुक्त सचिवका रूपमा नेपाल–भारत सम्बन्धसम्बन्धी जिम्मेवारी सम्हालिसक्नुभएको छ। सन् २०२२ देखि २०२५ सम्म भुटानका लागि भारतीय राजदूत रहनुभएका उहाँसँग क्षेत्रीय कूटनीति, आर्थिक सम्बन्ध तथा अन्तर्राष्ट्रिय व्यापार नीतिमा समेत अनुभव छ।

Agni

सम्बन्धित खवर