काठमाडौं । रसुवाको भोटेकोसीमा पुनः बाढी आउन सक्ने भन्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणले उच्च सतर्कता अपनाउन आग्रह गरेको छ।
प्राधिकरणका अनुसार चिनियाँ पक्षले माथिल्लो क्षेत्रमा बनेको करिब सात मिटर अग्लो प्राकृतिक बाँध जुनसुकै बेला फुट्न सक्ने जानकारी दिएको छ। हिमताल फुटेपछि पानी थुनिएर उक्त बाँध बनेको बताइएको छ।
प्राकृतिक बाँध फुटेमा पुनः ठूलो बाढी आउन सक्ने जोखिम रहेकाले नदी किनार र तटीय क्षेत्रमा नजान आग्रह गरिएको छ। उद्धार तथा राहतमा खटिएका सुरक्षाकर्मी, स्वयंसेवक र अन्य सबैलाई विशेष सावधानी अपनाउन प्राधिकरणले अनुरोध गरेको छ।
सम्बन्धित खवर
