मार्क रासफोर्डले लगातार पाँचौ खेलमा गोल गर्दा म्यानचेस्टर युनाइटेडले एभर्टनलाई एफए कपमा ३–१ गोलअन्तरले हराएको छ । पराजयसँगै एभर्टनका म्यानेजर फ्रांक लाम्पार्डमाथि थप दबाब बढेको छ ।
खेलको चौथौँ मिनेटमा नै एन्टोनीले गोल गर्दै युनाइटेडलाई अग्रता दिलाएका थिए । तर कोनर कोडीले १४ औँ मिनेटमा बराबरी गोल फर्काए । दोस्रो हाफको सुरुवातमा कोडीलेनैआत्मघाती गोल गरेपछि युनाइटेडले पुनः खेलमा अग्रता लियो ।
इन्जुरी समयमा रासफोर्डले पेनाल्टीबाट गोल गर्दै युनाइटेडको जीत सुनिश्चित गरे । उनले आफ्नो करियरमा लगातार पाँच खेलमा गोल गरेको यो पहिलो अवसर हो । युनाइटेड सबै प्रतियोगितामा पछिल्ला ११ मध्ये १० खेलमा विजयी रहेको छ । अब युनाइटेडले इएफएल कपको क्वार्टरफाइनलमा चार्लटनको सामना गर्नेछ भने १४ जनवरीलाई म्यानचेस्टर सिटीसँग भिड्नेछ ।
