काभ्रे । काभ्रे स्थित पाँचखालका किसानलाई अहिले आलु खन्न भ्याइ नभ्याई छ। व्यापारी र उपभोक्ता आलु किन्न खेतबारीमै पुगिरहेका छन् । खेतबारीमै पुग्ने हो भने १२–१५ रुपैयाँ किलोले आलु पाइने गरेको छ ।
आलुले मूल्य नपाएपछि किसान भने चिन्तित छन्। आलुको मूल्य निकै खस्केकाले किसानको लागतसमेत उठ्न हम्मे–हम्मे भएको छ । आलुले किन भाउ पाएन भन्नेमा किसानहरू पनि अनभिज्ञ छन् । लामो समयपछि आलुको भाउ यति धेरै घटेको उनीहरूको अनुभव छ ।
किसानहरुका अनुसार गत साल प्रतिकिलो २५ रुपैयाँसम्म बिक्री भएको थियो । यसपालि १२ रुपैयाँसम्म झरेको छ । सरकारले किसानलाई मर्का नपर्ने गरी न्यूनतम मूल्य तोक्नुपर्ने वा सरकारले नै किन्नुपर्ने किसानको भनाइ छ ।
उनीहरू भन्छन हामीले मूल्य पाएका छैनौँ उपभोक्ताले महँगोमा किन्नुपर्छ।
